اتصال من تحت الصفر ( المقدمة )

طيب نبدأ منين
هانبدأ من الجهاز اللي في ايدك او الجهاز اللي امامك دا سواء كمبيوتر او موبايل لابد نفهم بدقة كيف هو متوصل بالعالم
متشغلش نفسك واي فاي او متوصل بكابل
المفروض ان الجهاز الذي تستعمله هو آلة اليكترونية متصل بشبكة الانترنت سواء لاسلكيا عبر الواي فاي او بالكابلات عبر اسلاك توصيل
توصيل فين ولمين
الأول لو انت متصل عبر راوتر ايه اللي بيحصل هنا
اللي بيحصل ان الراوتر بيعطيك عنوان لابد يمنحك عنوان لكي تستطيع ان يكون لك مكان عبر الشبكة
الراوتر نفسه بيكون ليك شبكة داخلية يعني لو عندك راوتر وعليه واي فاي وعليه مكان توصيل كابلات
وجيت انا ومعايا خمس من اصدقائي كل واحد معاه موبايل واتنين معاهم كمبيوتر ووصلنا نفسنا علي راوترك كده احنا متصلين علي شبكة واحدة
اساس بناء الشبكة هو الراوتر
كل اللي علينا بندخل واي فاي علي الراوتر او بنوصل اسلاك عليه
اللي بيحصل ان الاستاذ راوتر بيعطي كل واحد فينا عنوان
طيب هو كيف بيعطينا عنوان ومستحيل يتلغبط
يعني لو عطاني رقم خمسة وعطالك رقم ثلاثة وعطي ماجد رقم اثنين
كيف لا يحدث اي لخبطة هنا

بكل بساطة لأن الراوتر بيعتمد علي تقنية ذكية جدا
انه بياخذ عنوان القطعة المسؤلة عن الاتصال عندك سواء كانت كارتة واي فاي او كارتة ايثرنت ويعطيك انت عنوان خاص بالراوتر
هنا نتوقف بقي يعني ايه عنوان القطعة !!!!!
كل قطعة بتخرج من المصنع وبتكون قطعة الاتصال بالشبكة
المصنع بيعطيها عنوان فريد وخاص
العنوان بنسميه الماك ادريس Mac Address
الماك ادريس دا لا يتكرر وخد بالك نستطيع طبعا تغيير هذا العنوان عبر انظمة التشغيل لا يوجد مشكلة
اذن الراوتر بيعتمد علي جهازك انت نفسه وبيتعامل مع جهازك عبر الماك ادريس وبناء علي الماك ادريس بيعطيك انت عنوان خاص بالراوتر
العنوان دا بنسميه الأي بي IP
اذن الراوتر بيعطيك أي بي وبيعطي المجموعة التي معنا ايضا كل فرد منهم أي بي مختلف
طيب ايه معني اننا علي شبكة واحدة وكل واحد فينا معاه عنوان أي بي
معناه كبير وضخم ابسط شئ اننا ممكن نتكلم مع بعض عبر الشبكة دي ممكن نتراسل ممكن نتبادل ملفات ممكن نخترق بعض ممكنات كثيرة
ليه ممكن كل شئ عبر الشبكة دي
لأننا دلوقتي اصبح عندنا البروتوكول اللي هانتوصل بيه مع بعض البرتوكول اللي اساسه العنوان IP والطريقة التي سنستخدمها اسمها TCP
يعني دلوقتي احنا عندنا الجهاز اللي بيصنع الأي بي
ومعانا علي نظم التشغيل ايا كان
الطريقة متبرمجة اللي هانتوصل بيها مع بعض TCP
يعني معانا عنوان وطريقة اتصال
اذن نقدر نعمل بيهم المعجزات هنا لان الراوتر هايوصل لكل واحد فينا عبر الاي بي المعلومة او الطلب المطلوب منه
طيب افرض انك عندك راوتر فيه من الخلف مخرج شبكة واحد بنتصرف كيف في الحالات دي
هنا مفيش اي مشكلة بنستعين بتقنية اسمها السويتش بيكون جهاز وظيفته اعطائك عدد فتحات للاتصال بالكابلات
السويتش لا يعطي اي عنوان أي بي انما مهمته فقط تجميع عدد من كابلات توصيل الاجهزة ثم استغلال فقط فتحة واحدة للاتصال بالراوتر
(طبعا موضوع السويتشات ضخم ابحث عنه انت )
هنا بردو الراوتر هايتعرف علي اي جهاز متصل علي السويتش طبعا عبر عنوان الجهاز الفيزيائي اللي قلنا الرقم اللي بتعطيه المصانع لمنتجاتها الماك ادريس
وهايعطي كل جهاز منهم رقم أي بي لكي يستطيع نقل البيانات عبر هذا الأي بي
يبقي تقدر تقول علي الاي بي هو النفق الذي ستنقل البيانات عبره من والي الجهاز ايا كان نوع الجهاز كمبيوتر موبايل طابعة
وايا كان نوع الاتصال سواء لاسلكي واي فاي او سلكي عبر كابلات الشبكة
من الذي يصنع هذا الأي بي IP
هنا بقي السؤال المهم هو مين اللي بيعمل الأي بي
الرد هايكون الراوتر
في الواقع البرمجة التي علي الراوتر هي من يصنع الأي بي
يعني لابد ان تكون مستوعبا ان هناك سوفت وير موجود علي اي راوتر علي وجه الأرض هذا السوفت وير من ضمن مهماته تصنيع الأي بي
ومعني ان هناك سوفت وير يعني ان هناك نظام تشغيل علي الراوتر
في ناس كثيرة مر عليهم التعامل مع سوفت وير الراوتر عندما اتصلتم بخدمة العملاء وطلبوا منكم فتح المتصفح وكتابة عنوان في المتصفح للدخول علي الراوتر
لكي تستطيع الدخول للراوتر اذن لابد ان يكون عليه نظام تشغيله وضبط وتشفير وحماية
غالبا سوفت وير الراوترات بيكون اساسه نواة اليونيكس
وافرحك انك تقدر تعمل راوترات عملاقة تشغل مدينة بجهاز كمبيوتر قديم
يوجد العديد من برامج الراوترات اشهرهم في عالمنا المايكروتك العملاق
يوجد ايضا برمجيات تستطيع برمجتها علي سرفر لينيكس تقوم بتحويل الكمبيوتر الي راوتر ضخم