اتفقنا في المقدمة اننا اوتوماتيك مجرد مابنتوصل علي راوتر بناخذ العنوان واتفقنا ان العنوان دا بيعطيهولنا الراوتر بناء علي عنوان القطعة الفيزيائي الماك ادريس
طيب هو العنوان دا بيكون ايه
بيكون رقم مكون من اربع خانات كده مثلا 192.168.1.8
شوف لو قعدت اتكلم معاك عن العناوين بس مش هايكفيني اسبوع
لكن دا اسمه برتوكول الاتصال بينتهي طبعا عند 255.255.255.255
اضربهم بقي كده في بعض وشوف هايعطييك كام نطاق كام مليار ها !!
في البداية لابد نفرق بين العنوان الداخلي للشبكة اللي هو عطاهولنا الراوتر
في رواترات بتكون مثلا 10.0.0.1 -10.0.0.255
يعني عدد من 255 عنوان يعني تشغيل 255 جهاز
في راوترات عند اغلب الناس 192.168.1.1 -192.168.1.255
يعني ايه دا
يعني الراوتر بيعطي اتوماتيك عناوين من 1 الي 255
ارجو التركيز بشدة هنا
اذا اردنا مثلا الدخول علي الراوتر نفسها
كل ماعيلنا ان نعرف عنوان اي بي الراوتر
بفرض ان الراوتر 192.168.1.1
اذن للاتصال علي الراوتر يجب طلبها !!!
يعني ايه بقي يجب طلبها
يعني فتح قناة اتصال عليها !!
في روترات بنتواصل معاها عن طريق المتصفح عادي بتفتح المتصفح وتكتب الأي بي وتدخل 192.168.1.1
هنا انت متوصل علي الراوتر بالمتصفح في التقنية دي بنستخدم المنفذ 80
لأن متصفحك اتوماتيك مبرمج نفسه انه يتواصل علي المواقع عبر المنفذ 80
يبقي اول قناة اتصلنا بيها علي الراوتر كانت من المتصفح
فتحنا المتصفح وكتبنا عنوان الراوتر
ماهو الراوتر نفسها ايضا ليها عنوان
وطبعا في نطاق العناوين التي تمنحهم الراوتر لباقي الاجهزة
اللي بيحصل انك بفتح صفحة الراوتر انت اتصلت علي نظام الراوتر انت بداخل نظام تشغيلها ولكي تسمح لك الراوتر بالدخول يجب ان تقوم بادخال المستخدم وكلمة السر
ثم تبدأ الدخول الي الراوتر لكي تقوم ببرمجة الاعدادات التي تريدها
مثلا اسم اشتراكك بالشركة وكلمة سر اشتراكك بالشركة
اعدادات تقنية التوصيل علي راوتر الشركة
التحكم باعدادات الواي فاي وتغيير اسمها وكلمة مرور الواي فاي
يبقي الموضوع انك بتتوصل بسوفت وير الراوتر وبتغير في اعداداته عبر المتصفح
يوجد طريقة اخري او قناة اخري نستطيع بها التواصل علي الروترات اسمها التلينت وهي عبارة عن شاشة الاوامر السوداء وتكتب بها عنوان الراوتر للأتصال ومنها ايضا انت تتصل بسوفت وير الراوتر لكن عبر الشاشة السوداء
ببساطة بتتم كده من شاشة الاوامر الترمينال
telnet 192.168.1.1
بردو هايطلب منك اسم المستخدم وكلمة السر في شاشة الاوامر وتبدأ نفس موضوع تغيير ماتريده باعدادات الراوتر لكن عبر شاشة الأوامر لا يوجد اي نوع جرافيك هنا
احيانا كثيرا انت ستقوم بعمل استعادة ضبط المصنع للراوتر وغالبا الكل سيفعلها عبر المتصفح
اذن لابد من الاتصال بالراوتر والدخول عليها ومن ثم ايجاد المكان الذي منه نقوم باعادة ضبط المصنع
يعني حالة الراوتر الصفر
وبعدها بتبرمج الراوتر بالاعدادات التي تريدها
وبنصحكم انكم تعملوا اعادة ضبط مصنع لراوتراتكم كل شهرين ثلاثة بتفرق كثير معاكم
لكن بعد اعادة ضبط المصنع لابد ان تقوم بتغيير الاعدادات يعني دائما يكون معاك اسم المستخدم وكلمة المرور للدخول علي راوتر الشركة الموجود بالسنترال
خد بالك دول غير اسم مستخدم وكلمة سر الراوتر
عندنا ثلاثة اسماء وثلاثة كلمات مرور للراوتر
الأول للدخول الي الراوتر نفسها
الثاني الدخول الي الشركة نفسها
الثالث الدخول الي الواي فاي نفسها
ايه اللي بنغيره عند اعدادات الراوتر
طبيعي وضع بيانات إشتراكك بالشركة - وضع بيانات الواي فاي - اعداد اسلوب الاتصال براوتر السنترال
اي تلاعب في بيانات الاتصال - او اسلوب التصال طبعا بتمنع تشغيل الراوتر والاتصال بالانترنت
طيب هو انت بتتوصل علي راوتر الشركة ليه !!
بتقول عليه DSL
هاقلك بقي وهنا تفهم الانترنت ماشي كيف
انت لو اتوصلت علي راوتر السنترال بتاخد كمان عنوان خارجي لاتصالك
يعني اي بي خارجي نقول مثلا 41.75.8.1
راوتر الشركة موصل معاك قول مثلا خمسين الف عميل
يعني عطي لكل عميل منهم اي بي مختلف
نقول مثلا
42.51.54.2
اللي بيحصل هنا ان كده انت تقدر تتصل مع اي واحد من الخمسين الف دول
:)يعني مش مهم خالص خط الانترنت الخارجي
يعني مثلا لو شركة بتغذي كل محافظات بلدك
كلكم تقدروا تتوصلوا ببعض عبر الاي بي الخارجي لكل واحد فيكم
طيب هي الشركة بتبعتلك منين الاي بي الخارجي
طبعا عن طريق كابل حرارة التليفون الأرضي
يبقي اول حاجة عملهالك السرفر الراوتر بالسنترال بعد ما تاكد من حسابك عطالك عنوان خارجي
فأصبح الراوتر الخاص بيك دلوقتي معاه عنوان خارجي كمان
يعني راوترك ليس هو من انشأ العنوان الخارجي لا هنا هايستخدمه فقط
طيب لو سالت نفسك سؤال هو كيف انا ومعي عشرين واحد عالشبكة مش بيحصل اي لغبطة في الاتصال
:)طبعا لان الراوتر عارف كل جهاز منكم عنوانه ايه والماك ايه وعايز يتوصل علي مين سواء خارج الشبكة او داخل الشبكة
تعال بقي نوضحكلك حاجة
الحرارة الخاصة بالتليفون ليست رقمية يعني حرارة عادي كهرباء يعني
هو الراوتر بيعمل ايه كمان
هنا اصلا الاتصال رقمي الراوتر بيكون شغال بردو كمودم
:)يعني ياخد البيانات الرقمية من الكمبيوتر ويحولها لاشارات انالوج لحرارة التليفون وبعد كده ياخد البيانات التناظرية الانالوج ويحولها الي بيانات رقمية يعني عكس عكاس
خلف خلاف
:)يبقي اللي حصل ان الرواتر اخد العنوان الخارجي
وطبيعي كل جهاز عالشبكة بقي معاه العنوان الخارجي اتوماتيك
لكن في الواقع انت جهازك عنوانه فقط هو الأي بي الداخلي
يعني انت علي الانترنت لست 41.75.8.1 دا الراوتر
انما انت غالبا ستكون 192.168.1.8
هنا الراوتر هو معاه اتنين عنوان
عنوان داخلي اللي هو علي الشبكة
وعنوان خارجي اللي هو متوصل بالسنترال علي السرفر
