تيجوا نتعلم اخــتراق حقيقي للدوائر الاليكترونية ؟
قبل اي شئ لابد ان يكون لديك القليل من هذه المعرفة
يعني ايه طبقات متعددة في اللوحات الاليكترونية يعني هل اللوحة مطبوعة من جانب واحد او اثنين او طبقات فوق بعض
الحاجة التانية تعرف يعني ايه ثروهول THT بص عشان متشغلش بالك الثروهول دي ياسيد المكونات الاليكترونية التي نحتاج عمل ثقوب او فتحات لها عبر اللوحة المطبوعة يعني الترانزيستورات العادية والمقاومات العادية والمكثفات العادية ولمبات الليد العادية كنا بنفتح ثقب في اللوحة لتثبيتها وربطها بباقي اللوحة
الحاجة الثالثة يعني ايه المكونات السطحية SMD ودي ياسيدي المكونات التي نضعها من اعلي اللوحة الاليكترونية ولا تحتاج ثقوب ايوة الحاجات الصغننة او دي اللي بنلحمها بالهــوت اير وطبعا اغلب الدوائر الاليكترونية دلوقتي بقت بتقنية المكونات السطحية لأنها صغيرة جدا
الحاجة الرابعة والاشد اشد اشد اهمية ( ركز الأشد اهمية ) ايه بقي دي المهمة جدا لهذه الدرجة ياسيدي دي حاجة كده بنسميها الباكيدج يعني مواصفات القطعة ولابد تعرف ان اي قطعة اليكترونية لها مواصفات مثلا
الطول والعرض والارتفاع
هل نوعيتها سطحية ولاثروهول
المسافة بين نقاط توصيل القطعة
المساحة التي نستخدمها لتركيب القطعة
توزيع وترتيب اطراف توصيلها
الباكدجينج دي ياسيدي تقدر تقول وحدة القياس الدولية المتعارف عليها لكل قطعة ودا بالتالي يستلزم ان لكل قطعة كود والكود دا بيوصلنا طبعا لنوعية القطعة واقدر اوصلها علي ايه وكيف اوصلها وابعاد نقاطها ...
اوعي واحذر نهائيا ان تتجاهل الباكديج في تصميمك لان عشان تــخترق فعلا دوائر لابد ان تعرف هذه الباكيدج
طبعا تقدر تعرف نوعيات الباكيدج من رقم القطعة الاليكترونية نفسها فقط بتروح للداتا شيت الخاصة بأي قطع وهاتلاقي كل الباكديج الموجودة ليها سواء ثروهول او SMD
خامسا حجم التراك النحاسي الذي ستستخدمه ودا معناه بالبلدي قطر النحاس المستخدم علي التوصيل بداخل لوحتك
سادسا نقاط التوصيل علي اللوحة الاليكترونية بنسميها الباد Pad
يعني ياسيدي الجزئية اللي هانلحم فيها القطع ودي طبعا متوصل عليها المسار او التراك النحاسي سواء هاتستخدم انواع مختلفة من طرق التوصيل
سابعا نقاط توصيل بين طبقات اللوحة ودي اسمها فايا Via خد بالك لان دي سر اللوحات متعددة الطبقات عارف اعتبرها ماسورة توصيل بين سطح اللوحة واسفل اللوحة يعني ماسورة صغيرة بنوصل بيها بين طبقات اللوحات وفعليا دي اللي فيها اسرار اللوحات المتعددة الطبقات لان بيها نقدر نعمل توصيل بين مسارات اللوحة علي عدة طبقات بينهم طبعا طبقات عازلة رفيعة جدا
هل ينفع نختـترق اللوحات الاليكترونية لو عندنا نسخة منها ؟
ان شاء الله ينفع حسب اللوحات وحسب استخدامها
فمثلا اللوحات التي تصميمها ثروهول اللوحات العادية المثقوبة هذه اسهل مايكون
شاهد فيديو كيف تصمم لوحة من نسختها
بكل بساطة بتعمل تصوير للوحة ويفضل استخدام سكانر عالي الدقة
بتبدأ تدخل اللوحة لبرنامج سبرينت لاي اوت
بتبدأ تضع علي اللوحة الباكدج الصحيحة او القطع الصحيحة المكونة للدائرة باالبرنامج العبقري داي sprint layout
اكتب اسمه في اليوتيوب هاتلاقي شرحه وفين موجود وتشتغل عليه كيف
بترسم التراكات علي الصورة كانك ماسك في ايدك قلم كربون او ورق كربون
الموضوع سهل ومهم جدا الآن وحيوي
لكن لابد تعرف المقدمة السريعة دي
عارف احنا عملنا ايه
جبنا لوحة وحللنا مكوناتها وخلصت القصة
