ياباشمهندس حضرتك بتنزل في مواضيع شيقة واحد ورا التاني ومش عارف اطبق مش عارف ابدأ منين
مش عارف مش عارف مش عارف
مين الكالي لينيكس دا بيعمل ايه واحمله ازاي
اسئلة كثرة مالية راسي ومش عارف ابدأ منين
بالبداية اتذكر ذلك اليوم الذي بدأت به نظم لينيكس عموما
عشرتاشر نسخة مختلفة
اشيل دي واجرب دي
ضربت هارد ديسك واحد علي الاقل
طيرت معلومات كثيرة كنت مجمعها عبر السنين
سهر ليالي وعدم نوم باثلاثة ايام
لغاية مابعد خبرة السنوات فهمت ان اغلب توزيعات لينيكس ممكن تشتغل من فلاشات وممكن تشتغل فقط من DVD
يبقي هادخل معاك من هنا
انا عايز لينيكس علي فلاشة او دي في دي
ومليش دعوة خالص بالهارد ديسك عندي ولا بمعلوماتي ولا بنظامي مش عايز اقرب جنب حاجتي وبرامجي
في الفيديو موجود شرح طريقة تثبيت الكالي لينيكس علي فلاشة
ايه اللي بيحصل في الفيديو
الواد بيحمل برنامج علي ويندوز اسمه روفوس
اهو حمله
وبعدين لابد يكون اساسا عنده نسخة كالي لينيكس ايزو مساحتها قربت من 3 جيجا يعني تكون عندك صبر وانت بتحملها
خد دي نسخة لو جهازك حديث 64 بيت
وخد نسخة اهي لو جهازك 32 بيت
نزل النسخة 64
طيب يبقي انا عندي حاجتين يكونوا متوفرين
نسخة من كالي لينيكس بصورة ايزو ISO
ونسخة برنام روفوس اللي هو هافك بيه النسخة
فاضل بقي الفلاشة
المفروض يكون معاك فلاشة علي الاقل 8 جيجا
يبقي انت بتشغل برنامج الروفوس وتحددله مكان الفلاشة وبتحددله مكان الكالي لينيكس
في الفيديو بيشرحها هو
طيب الطريقة التانية DVD
بردو نفس ملف الكالي اللي حملناه علي الكمبيوتر
بتشغل اي برنامج حرق الاسطوانت زي النيرو مثلا او الباور ايزو او الأشامبو
وبتعمل فك للكالي علي الدي في دي
فاضل ايه بعد ماتعمل ايا من العمليتين
فاضل انك تطفي الكمبيوتر
وتشغل الكمبيوتر تاني وتغير البوت يعني تحول البوت علي الكمبيوتر من الفلااشة او من الدي في دي
طيب هاتعمل ايه
هاتلاقي ناذة كالي لينيكس اختار طبعا Live
واشتغل عادي جدا جد واتعلم افتح اليوتيوب وعلم نفسك
لو الشاة عملت استعداد هايقلك كلمة السر ايه قله toor
ومتخافش الموضوع بسيط جدا
هاتلاقي بقي نفسك تلقائي بتدور عالنت هو لينيكس بيشتغل كيف
وايه الاوامر وايه الادوات ومع الوقت هاتعتاد الأمر لدرجة ستكره الويندوز تماما
لأنك اول شئ هايقابلك السرعة الغريبة في الانترنت
